Sansar News
भदौ २९, काठमाडौं । विकास बैंकहरुले बजारमा आफ्नो हस्तक्षेप बढाउँदै लगेका छन् । नेपाल डेभलोपमेन्ट बैंकर्स एसोसिएसनले मंगलबार सर्बजनिक गरेको एकहप्ताको वित्तीय विवरणले त्यस्तो देखाएको हो ।
एसोसिएसनले सार्वजनिक गरेको यो हप्ताको वित्तीय विवरण्अनुसार विकास बैंकहरुले निक्षेप संकलन अघिल्लो हप्ताभन्दा ० दशमलव १५ प्रतिशतले बढाएका छन् भने कर्जा प्रवाह पनि ० दशमलब ७३ प्रतिशतले बढाएका छन् । यो साता उनीहरुले करिब ७३ करोड १४ लाखले निक्षेप संकलन बृद्धि गरेका छन् ।
त्यस्तै उनीहरुले करिब ३ अर्ब १५ करोड रुपैंयाँले कर्जा प्रवाह बढाएका छन् ।
हाल नेपालमा १८ विकास बैंकहरु सञ्चालनमा छन् । तिनीहरुमध्ये ८ वटा राष्ट्रिय स्तरका विकास बैंकहरु संचालनमा छन् भने १० वटा क्षेत्रीय स्तरका विकास बैंकहरु संचालनमा छन् ।
यस्तो छ बैंकहरुको कारोबार
वि.सं.२०७८ भदौ २९ मंगलवार ११:५२ मा प्रकाशित
