Sansar News
२९ भदौ, अमेरिका । अमेरिकाको ओहायो राज्यमा आगलागीमा परि पाँच नेपाली भाषीको मृत्यु भएको छ ।
ओहायो राज्यको आक्रन शहरमा सोमवार भएको आगलगीमा परि नेपाली भाषी भुटानी परिवारका पाँच सदस्यहरुको मृत्यु भएको हो ।
सोमबार बिहान भएको उक्त आगलागीमा परेर तीन बालबालिका र २ जना वयस्कको निधन भएको हो ।
आक्रन अग्नी नियन्त्रण बिभागका अनुसार आक्रन शहरको लिनडेन एभेन्युस्थित १११८ घर संख्यामा बिहान १२: ५० मा आगो लाग्दा अन्य ४ जना घाइते भएका छन् ।
विभागका अनुसार आकस्मिक कामदारहरुले उनीहरुका छिमेकी र नातेदारहरुले त्यहा पुगे पछि परिवारका सदस्यहरुलाई बाहिर निकाल्ने प्रयास गरेका थिए ।
त्यहाँको शव परीक्षण केन्द्रका अनुसार ३ जना बालबालिका र २ जना वयस्कको मृत्यु भएको उल्लेख गरेको छ । उनीहरु पढ्ने बिद्यालय आर्कन सरकारी बिद्यालयका प्रवक्ताका अनुसार ५, ११ र १६ बर्षका बालबालिकाको मृत्यु भएको हो ।
त्यस्तै आगलागीका मुख्य अनुसन्धान प्रमुख ग्यारी गुनथरका अनुसार बालबालिका सहित करिव ६० बर्षिय पुरुष तथा ४८ बर्षिय महिलाको निधन भएको बताए । उक्त स्थानमा २०१७ पछिको सबै भन्दा डरलाग्दो आगजनीको घटना भएको बताईएको छ ।
मृतकका नातेदार यम सुब्बा भने व्यक्ति कोलम्बसबाट आर्कन आएका छन् । सोमबार आगजनी हुँदा छिमेकी र नातेदारहरु त्यहा अगाडी भेला भएका मध्ये यम सुब्बा एक थिए । उनले आफ्नो पिताको निधन भएको जानकारी दिएका छन् । र ,उनले के कारणले आगजनी भयो भन्ने बारेमा पत्ता लगाउन कोसिस गरि रहेको सपनि स्थानीय संचारमाध्यमलाई बताएका छन् ।
वि.सं.२०७८ भदौ २९ मंगलवार ११:०० मा प्रकाशित
