Sansar News
काठमाडौं । राष्ट्रपति विद्यादेवी भण्डारीले राजनीतिक दलसम्बन्धी अध्यादेश (दोस्रो संसोधन) २०७८ खारेज गरेकी छन्। सरकारको सिफारिसमा राष्ट्रपति भण्डारीले सोमबार साँझ उक्त अध्यादेश खारेज गरेकी हुन्।
संविधानको धारा ११४ को उपधारा (२) को खण्ड ‘ख’ बमोजिम अध्यादेश खारेज भएको राष्ट्रपति कार्यालयले जनाएको छ।
यसअघि सोमबार साँझ बसेको मन्त्रिपरिषद् बैठकले अध्यादेश खारेज गर्न राष्ट्रपति भण्डारीसमक्ष सिफारिस गर्ने निर्णय गरेको थियो ।
दल विभाजनका लागि २० प्रतिशत सांसद वा केन्द्रीय सदस्य भए पुग्ने व्यवस्थासहित आफैंले ल्याएको राजनीतिक दलसम्बन्धी अध्यादेश फिर्ता लिने अवस्थामा सरकार पुगेको छ।
देउवा सरकारले १ भदौमा संसदीय दल वा केन्द्रीय कमिटीको २० प्रतिशत पुर्याए पार्टी फुट्न सक्ने प्रावधानसहितको राजनीतिक दलसम्बन्धी अध्यादेश सिफारिस गरेको थियो । राष्ट्रपतिले भोलिपल्टै अध्यादेश जारी गरेकी थिइन् ।
अध्यादेशपछि नेकपा (एमाले) र जसपा विभाजित भएका छन् । एमाले फुटेर माधवकुमार नेपालको नेतृत्वमा नेकपा एकीकृत समाजवादी र जनता समाजवादी पार्टी फुटेर महन्थ ठाकुरको नेतृत्वमा लोकतान्त्रिक समाजवादी पार्टी दर्ता भएको छ । यससँगै अब मन्त्रीपरिषद् विस्तारको गाँठो फुकेको छ ।
वि.सं.२०७८ असोज ११ सोमवार २१:१५ मा प्रकाशित
