Sansar News
काठमाडौं । मोहन वैद्य ‘किरण’ नेतृत्वको नेकपा (क्रान्तिकारी माओवादी) र नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीसहित विभिन्न २६ दल तथा संघ संगठनहरुले एमसीसी सम्झौताविरुद्व संयुक्त प्रर्दशन गर्ने भएका छन् । २६ दल तथा संघ संगठनको तर्फबाट बसेको बैठकले आगामी असोज २२ मा काठमाडौंमा संयुक्त प्रदर्शन गर्ने निर्णय गरेका हुन् ।
एमसीसी सम्झौता खारेजी आन्दोलनका तर्फबाट बुधबार जारी विज्ञप्तिअनुसार माइतीघर मण्डलादेखि सुरु र्याली संसद भवन अगाडि विरोधसभामा परिणत गरिनेछ ।
दलहरुले एमसीसीसँगै माथिल्लो कर्णाली परियोजनाबाट जिएमआरलाई पनि हटाउनु पर्ने माग गर्दै आएका छन् । प्रदर्शनमा सोही विषय पनि उठाइने विज्ञप्तिमा जनाइएको छ ।
वि.सं.२०७८ असोज १३ बुधवार १६:४५ मा प्रकाशित
