हामी सबैकाे संसारन्यूज

काठमाडौं । प्रधानन्यायाधीश चोलेन्द्र शम्शेर राणाले यत्तिकै राजीनामा नदिने प्रष्ट पारेका छन् । बीबीसी नेपालीसँग कुराकानी गर्दै उनले ‘कसैले दबाब दिँदैमा राजीनामा नदिने’ प्रष्ट पारे ।

महाअभियोगको चर्चा भईरहेको बेला उनले आवश्यक परे सामना गर्न तयार रहेको बताए ।

संवैधानिक व्यवस्थाअनुसार प्रधानन्यायाधीश बनेको भन्दै राणाले प्रक्रियाबाटै मात्रै बाहिरिने स्पष्ट पारेका छन् । प्रधानन्यायाधीश जबराले भने,‘संविधानको प्रक्रियाबाट म आएको छु र त्यही संविधानको प्रक्रियाबाट मात्रै म जाने हो।’

पूर्वप्रधानन्यायाधीश, नेपाल बार एशोसिएशन र सर्वोच्चकै न्यायाधीशहरुले राजीनामा मागिरहेको सन्दर्भमा उनले यत्तिकै राजीनामा नदिने आफ्नो अडान स्पष्ट पारेका हुन् । राणाले न्यायापालिकालाई लथालिङ्ग पारेर नजाने पनि प्रष्ट पारेका छन् ।

प्रधानन्यायाधीश राणा पछिल्लो पटक मन्त्रिपरिषद् विस्तारसँगै विवादमा तानिएका थिए । प्रधानमन्त्री शेरबहादुर देउवाले राणाका नातेदार पर्ने गजेन्द्र हमाललाई मन्त्रीमा नियुक्त गरेसँगै उनको भूमिकालाई लिएर विरोध सुरु भएको थियो ।

सत्तामा भागवण्डा खोजेको भन्ने कोणबाट उनको भूमिकामाथि गम्भीर प्रश्न उठाइएको छ ।