Sansar News
काठमाडौं । बागमती प्रदेशकी मुख्यमन्त्री अष्टलक्ष्मी शाक्यको मुख्यमन्त्री पदको आज निर्णय हँदैछ ।
शाक्यले आज १ बजे हुने प्रदेशसभाको बैठकमा विश्वासको मत लिन लागेकी हुन् ।
नेकपा एमाले प्रदेश संसदीय दलको नेता हुँदै मुख्यमन्त्री बनेकी शाक्य मुख्यमन्त्री बनेलगत्तै अल्पमतमा परेकी थिइन् । नेकपा एमाले विभाजनपछि केपी ओली नेतृत्वको एमालेमै रहेकी शाक्यले आज विश्वासको मत लिने भएकी हुन् ।
पाँच दलीय विपक्षी गठबन्धनले बागमती प्रदेशको प्रमुखमको रुपमा माधव कुमार नेपाल नेतृत्वको नेकपा (एकिकृत समाजवादी) पार्टीका प्रदेश संसदीय दलका नेता राजेन्द्र पाण्डेलाई अघि सारेको छ ।
आज दिउँसो १ बजे हुने प्रदेशभाको बैठकमा मुख्यमन्त्री शाक्यले राखेको विश्वासको प्रस्तावमा मत विभाजन हुनेछ । विश्वासको मतका लागि ५५ जना सांसदको आवस्यकता रहेकोमा शाक्यको पार्टी एमालेका तर्फबाट ४३ जना प्रदेशसभा सदस्य रहेका छन् ।
त्यसैगरी विपक्षी गठबन्धनमा रहेका पार्टीहरुमध्ये नेकपा (माओवादी केन्द्रबाट २३, नेपाली कांग्रेसका २२, नेकपा (एकिकृत समाजवादी) का १३, जनता समाजवादी पार्टीका १ सांसद गरेर ५९ जना रहनेछन् ।
त्यसैगरी विवेकशील साझाका ३ सांसद तथा नेमकिपा र राप्रपाका सांसदले कसलाई मत दिन्छन् भन्ने टुंगो लागिसकेको छैन ।
भारी मतको अन्तर रहेको प्रदेशसभामा १ बजेसम्म कुनै नाटकिय परिवर्तन नभएमा शाक्य अल्पमतमा पर्ने र गठबन्धनबाट पाण्डे प्रदेश प्रमुख बन्ने सम्भावना प्रवल रहेको छ ।
वि.सं.२०७८ कात्तिक १० बुधवार ०९:०१ मा प्रकाशित
