Sansar News
१० कार्तिक, काठमाडौँ । नेपाल स्टक एक्सचेञ्ज (नेप्से) ले कामना सेवा विकास बैंक लिमिटेडको शेयरमूल्य समायोजन गरेको छ । साधारण सभा तथा लाभांश वितरण प्रयोजनार्थ बैंकले बुकक्लोज गरेसँगै नेप्सेले मूल्य समायोजन गरी नयाँ मूल्य निर्धारण गरेको हो ।
नेप्सेले बैंकको १८.५० प्रतिशत बोनस शेयर समायोजन गरेको हो । समायोजनपश्चात बैंकको शेयरमूल्य ६०७ रुपैयाँ कायम भएको छ ।
बैंकको अघिल्लो कारोबार दिनको अन्तिम मूल्यका आधारमा शेयरमूल्य समायोजन भएको हो । मंगलबार बैंकको शेयर प्रतिकित्ता ७१९ रुपैयाँमा अन्तिम कारोबार भएको थियो।
वि.सं.२०७८ कात्तिक १० बुधवार १०:११ मा प्रकाशित
