हामी सबैकाे संसारन्यूज

काठमाडौं । प्रधानमन्त्री शेरबहादुर देउवाले राष्ट्रको नीति निर्माणका लागि अपरिहार्य रहेको राष्ट्रिय जनगणना २०७८ को सूचना संकलन गर्ने कार्यमा सहयोग पुर्याउन अनुरोध गरेका छन् ।

प्रधानमन्त्री शेरबहादुर देउवाले आजदेखि सुरु हुने राष्ट्रिय जनगणना २०७८ देश विकासका लागि उपयुक्त नीति निर्माण गर्न आवश्यक सूचनाको आधार स्तम्भको रुपमा रहेको बताउँदै सही विवरण उपलव्ध गराएर राष्ट्रको नीति निर्माणका लागि अपरिहार्य सूचना संकलन गर्ने कार्यमा सहयोग गर्न सबैमा अनुरोध गरेका हुन् ।

देश विकासका लागि उपयुक्त नीति निर्माण गर्न आवश्यक सूचनाको आधार स्तम्भको रुपमा रहेको राष्ट्रिय जनगणना, २०७८ आजबाट सुरु हुँदैछ। सही विवरण उपलव्ध गराएर राष्ट्रको नीति निर्माणका लागि अपरिहार्य सूचना संकलन गर्ने कार्यमा सहयोग गर्नुहुन सबैमा अनुरोध गर्दछु । pic.twitter.com/8NE4FRQtcC

— Sher Bahadur Deuba (@SherBDeuba) November 11, 2021

हरेक १०–१० वर्षमा गरिने जनगणना आजदेखि सुरु हुँदैछ। राष्ट्रपतिको पारिवारिक विवरण संकलन गरि जनगणना प्रारम्भ गर्ने तयारी तथ्यांक विभागले गरेको छ ।

विभागले देशभरी रहेका घरपरिवारको सूचिकरण यसअघी नै गरिसकेको छ । अब ४० हजार गणक र साढे ८ हजार सुपरिवेक्षक घरमै पुगेर विस्तृत विवरण संकलन गर्नेछन् ।

काठमाडौं जिल्लामा डिजिटल र अन्य जिल्लामा कागजको माध्यमबाट जनगणना गरिने छ । नयाँ नक्सामा समेटिएको कालापानी, लिपुलेक र लिम्पियाधुरा क्षेत्रमा रहेका नेपालीको संख्या अनुमानका आधारमा संकलन गर्ने तथ्यांक विभागले तयारी गरेको छ ।

जनगणना आज कार्तिक २५ गतेदेखि शुरु भई मंशिर ९ गते सक्ने विभागले जनाएको छ ।