Sansar News
काठमाडौं । नेपाली कांग्रेसको नयाँ नेतृत्व चयनका लागि सोमबार सम्पन्न निर्वाचनको मतगणना जारी छ ।
शुक्रवारदेखि राजधानीको भृकुटी मण्डपमा जारी नेपाली कांग्रेसको १४ औं महाधिबेशन अन्तर्गत सोमबार भएको निर्वाचनमा सभापति पदका उम्मेदवार नेताहरुको नाममा खसेको मत गणना जारी रहेको छ ।
बिहान ४ बजेदेखि सुरु भएको मतगणनामा हालसम्म ४००० मत गणना भइसकेको छ । जसमा सभापतिका उम्मेदवार शेरबहादुर देउवाले १९०० मत प्राप्त गरेर अग्रता कायम गरिरहेका छन् ।
जसमा निर्वाचन समितिले दिएको जानकारी अनुसार हालसम्मको मतगणनामा देउवाले १९००, शेखर कोइरालाले १४६७, प्रकाशमान सिंहले २९६, विमलेन्द्र निधिले २३० र कल्याण गुरुङले ८७ मत प्राप्त गरेका छन् ।
सभापतिका पाँच आकांक्षी मध्ये मुख्य गरेर कोइराला र देउवावीच भइरहेको प्रतिस्पर्धामा देउवा ४३३ मतले अगाडि रहेका छन् ।
कूल खसेको ४ हजार ७४३ मत मध्ये हाल सभापतिका उम्मेदवारको नाममा खसेको मात्र मत गणना भइरहेको छ । कांग्रेसको विधान अनुसार सभापतिका उम्मेदवारले कूल खसेको मतमध्ये ५० प्रतिशत कटाएमा अर्थात् २३४० मत ल्याएमा विजयी हुनेछन् ।
वि.सं.२०७८ मंसिर २८ मंगलवार ०९:०३ मा प्रकाशित
