Sansar News
काठमाडौं । नेपाली कांग्रेसको १४ औं महाधिबेशन अन्तर्गत सोमबार भएको निर्वाचनमा सभापति पदका उम्मेदवारहरुमध्ये कसैले पनि ५० प्रतिशत मत कटाउन नसक्दा पुनः मतदान हुने भएको छ ।
सोमबार राति सम्पन्न निर्वाचनको मंगलवार बिहान ४ बजेदेखि सुरु भएको सभापतिको मतगणनामा ५ सय बढी मतले कोइराला भन्दै अगाडि रहेका शेर बहादुर देउवाले ५० प्रतिशत मत कटाउन नसकेपछि दोस्रो चरणको चुनाव हुने भएको हो ।
सोमबार खसेको ४ हजार ७४३ मत मध्ये हाल सभापतिका उम्देवार शेर बहादुर देउवाले २२५८, डा. शेखर कोइरालाले १७२९, प्रकाशमान सिंहले ३७१, विमलेन्द्र निधिले २४९ र कल्याण गुरुङले ३२ मत प्राप्त गरेका छन् ।
पहिलो चरणको निर्वाचनमै विजयी नजिक पुगेका देउवाले २८ मतले मात्रै पछि परेका हुन् । नेपाली कांग्रेसको विधान अनुसार विजयी हुनका लागि ५० प्रतिशत कटाउनुपर्ने अर्थात् २३४० मत प्राप्त गर्नुपर्छ । देउवाले २२५८ मत ल्याएका छन् ।
यो संगै अब नेपाली कांग्रेसको नयाँ नेतृत्वका लागि देउवा र कोइरालाबीच पुनः प्रतिस्पर्धा हुने भएको छ । पुनः निर्वाचन भएमा देउवाविरुद्ध आफुहरु एक हुने सभापतिका उम्मेदवार विमलेन्द्र निधिले यसअघि नै घोषणा गरिसकेका छन् भने कांग्रेमा नेतृत्व परिवर्तन हुनुपर्छ भनेर मत मागेका प्रकाशमान सिंहले भने कसलाई समर्थन गर्छन् भन्ने कुरा बाहिर आइसकेको छैन ।
दोस्रो चरणको मतदान आजै हुने र परिणाम पनि आजै आउने बताइएको छ ।
वि.सं.२०७८ मंसिर २८ मंगलवार ०९:२७ मा प्रकाशित
