हामी सबैकाे संसारन्यूज

काठमाडौं । प्रतिनिधिसभाको बैठक आज दिउँसो २ बजे बस्ने भएको छ ।

आजको बैठकमा ६ वटा अध्यादेश पेश हुने संसद सचिवालयद्धारा जारी सूचनामा उल्लेख छ ।

सचिवालयद्धारा जारी सूचना अनुसार आजको बैठकमा गृहमन्त्री बालकृष्ण खाँडले ‘नेपाल प्रहरी र प्रदेश प्रहरी (कार्य सन्चालन, सुपरिवेक्षण र समन्वय) ( पहिलो संशोधन) अध्यादेश २०७८’ पेश गर्नेछन् । साथै ‘तेजाव तथा अन्य घातक रसायनिक पदार्थ (नियमन) अध्यादेश, २०७८ र ‘सामाजिक सुरक्षा (पहिलो संशोधन) अध्यादेश २०७८’ पेश गर्ने कार्यक्रम रहेको छ ।

संसद सचिवालयका महासचिव भरतराज गौतमका अनुसार भौतिक पूर्वाधार तथा संसदीय मामिला मन्त्री रेणु कुमारी यादवले ‘रेल्वे अध्यादेश २०७८’ र कानुन न्याय तथा संसदीय मामिला मन्त्री दिलेन्द्र प्रसािद बडुले ‘यौन हिंसा, विरुद्धको केही ऐनलाई संशोधन गर्ने अध्यादेश २०७८’ तथा फौजदारी कसुर तथा फौजदारी कार्यविधि सम्बन्धी केही ऐन संशोधन गर्ने अध्यादेश २०७८ पेश गर्ने कार्यक्रम रहेको छ ।