हामी सबैकाे संसारन्यूज

इटहरी, सुनसरी । प्रदेश १ को बुद्धिजीवी सम्मेलनले राधिका ओझालाई अध्यक्षमा निर्वाचित गरेको छ ।

इटहरीमा सम्पन्न नेपाल बुद्धिजीवी संगठनको प्रथम प्रदेश सम्मेलनले ओझालाई अध्यक्षमा निर्वाचित गरेको हो । सो संगठनका अनुसार संगठनकाे उपाध्यक्षमा पशुपति नेपाल, सचिवमा अर्जुन उप्रेती र कोषाध्यक्षमा संगीता पोखरेल लगायत ५१ जना सदस्य रहेका छन् ।

नेकपा(माओवादी केन्द्र) का प्रदेश सहइन्चार्ज अजम्बर काङवाङ, केन्द्रीय सदस्य निर्मल बराल, खेलप्रसाद बुढाथोकी, निमा शेर्पा लगायतको उपस्थिति रहेको सो सम्मेलनको सभापतित्व भानु भण्डारी तथा संचालन जंगराज गिरीले गरेका थिए ।

नेपाल बुद्धिजीवी संगठनको इतिहासमा ओझा पहिलो निर्वाचित प्रदेश अध्यक्ष हुन् ।