हामी सबैकाे संसारन्यूज

काठमाडौँ । काठमाडौँ महानगरपालिकाका बुद्धिजीवीहरुको सम्मेलनले प्रा.डा. ओमकारेश्वर श्रेष्ठको अध्यक्षतामा नेपाल बुद्धिजीवी संगठनको ५१ सदस्यीय महानगर समिति निर्माण गरेको छ ।

नेपाल बुद्धिजीवी संगठनका केन्द्रीय सहसंयोजक निलकण्ठ तिवारीको प्रमुख आतिथ्यता तथा नेकपा(माओवादी केन्द्र)का युवा नेता अनिल शर्माको विशिष्ठ आतिथ्यतामा सम्पन्न सो सम्मेलनले श्रेष्ठ नेतृत्वको कार्यसमिति निर्माण गरेको हो ।

नेकपा(माओवादी केन्द्र) काठमाडौँ महानगरका पार्टी सचिव टिपी रिजाल, रामशरण सापकोटा तथा संगठनका प्रदेश सचिव भरत गौतमको सहजीकरण र समन्वयमा सम्पन्न सो सम्मेलनको कार्यक्रम संचालन शंकर कालिकोटेले गरेका थिए ।

कार्यक्रममा संगठनका सहसंयोजक निलकण्ठ तिवारीले संगठनको जन्मध्येय, ऐतिहासिकता, विकासक्रम र वर्तमान अभिभाराको बारेमा बोलेका थिए भने माओवादीका वाग्मती प्रदेश सदस्य अनिल शर्माले महानगरभित्रका बुद्धिजीवीहरुको विशिष्ट भूमिका रहने बताएका थिए । कार्यक्रममा महानगरका माओवादी अध्यक्ष रविन्द्र श्रेष्ठ, सन्देश पौडेल लगायतले शुभकामना दिएका थिए ।

महानगरका माओवादी सचिव टिपी रिजालका अनुसार प्रा.डा. ओमकारेश्वर श्रेष्ठको अध्यक्षतामा बनेको उक्त समितिको उपाध्यक्षमा डोरप्रसाद दाहाल, सचिवमा शंकर कालिकोटे, सहसचिवमा कुवेरसिंह कटुवाल, कोषाध्यक्षमा भुपराज भुसाल, सदस्यहरुमा डा. अभिलासा शाह, द्रोणप्रताप केसी, सुरेन्द्रकुमार ओझा, रेशमराज विष्ट, रुद्रबहादुर केसी, भोलामणि राई, हरिबहादुर माझी, कृष्ण महर्जन, रविन्द्रमान श्रेष्ठ, कमल बन्जारा, विर्षबहादुर गुरुङ, रुपाल जोशी, हरिवन्दन बडाल, देवीलाल जोशि, नारायणराज भण्डारी, सुमन मल्ल, शोभा खनाल, केशव पौडेल, मनोजकुमार श्रेष्ठ, सीता लामा, प्रतिमा मानन्धर र विक्रम खड्गी लगायत रहेका थिए ।

नवनिर्वाचित सचिव शंकर कालिकोटेका अनुसार महानगरका सबै वडाको भौगोलिक र समावेशी प्रतिनिधित्व सहित संगठनलाई पूर्णता दिने जनाइएको छ ।