हामी सबैकाे संसारन्यूज

काठमाडौं । नेकपा एमालेका नेता भीम रावलले संसद अवरोध गरेर कतै एमसीसी अनुमोदनको खेल रचिएको त होइन भन्ने प्रश्न गरेका छन् ।

सरकारका कामकार्वाई गर्न दिएर संसदका बैठकहरू अवरूद्ध गर्ने कुराको अ‍ौचित्य बारे प्रश्न उठाउँदै रावलले सामाजिक संजालमा लेखेका छन् ‘यो कतै कसैलाई बोल्ने मौका नै नदिएर होहल्लाको बीचमा एमसीसी संग गरेको सम्झौता अनुमोदन गर्ने खेल त होइन ? यस्तो गरियो भने राष्ट्रघात ठहर्ने छ ।’

सरकारका कामकार्वाई गर्न दिएर संसदका बैठकहरू अवरूद्ध गर्ने कुराको अैाचित्य के हो? यो कतै कसैलाई बोल्ने मौका नै नदिएर होहल्लाको बीचमा एमसीसी संग गरेको सम्झौता अनुमोदन गर्ने खेल त होइन? यस्तो गरियो भने राष्ट्रघात ठहर्ने छ।

— Dr. Bhim Rawal (@BhimRawal179) December 15, 2021

नेकपा एमालेले सभामुख अग्नि सापकोटाको कार्यशैलीप्रति लामो समयदेखि संसद अवरोध गर्दै आएको छ । मंसिर २८ गते (मंगलवार) बाट सुरु भएको संसंदको हिउँदे अधिबेशनको पहिलो बैठकमै एमालेका सांसदहरुले नाराबाजी गरेपछि पुष ६ गतेसम्मका लागि बैठक स्थगीत गरिएको थियो ।