Sansar News
काठमाडौं । नेपाली कांग्रेसको १४ औं महाधिवेशनअन्तर्गत महामन्त्री पदका लागि भएको निर्वाचनको मतगणना जारी छ ।
कांग्रेस केन्द्रीय कार्यालय सानेपामा जारी मतगणनामा महामन्त्रीका उम्मेदवार गगन थापा निकै अगाडि देखिएका छन् । ३४२० मतपत्र गन्दा थापाले सर्वाधिक मत २२२७ पाएका छन् ।
थापाले २२२७ मत पाउँदा अर्का उम्मेदवार विश्वप्रकाश शर्माले १३७६ मत पाएका छन् । त्यस्तै प्रकाशशरण महतले ११२७, प्रदिप पौडेलले १०३० र मिनेन्द्र रिजालले ६०३ मत ल्याएका छन् ।
विमलेन्द्र निधिको प्यानलबाट निर्वाचन लडेका राजाराम कार्कीले भने निकै नगन्य मत पाएका छन् । अहिलेसम्म उनले मात्रै ७७ मत पाएका छन् ।
अब गणना हुन मात्रै १२५५ मत बाँकी छ । अहिलेसम्मको अग्रतालाई हेर्दा थापाले जित्ने निश्चित देखिएको छ । सोमबारको मतदानमा चार हजार ७४३ मतदातामध्ये चार हजार ६७९ ले मतदान गरेका थिए।
सम्बन्धित समाचार
कांग्रेस महाधिवेशन : महामन्त्रीमा देउवा प्यानल कमजोर, निधि प्यानलको विजोग
वि.सं.२०७८ पुस १ बिहीवार १४:२७ मा प्रकाशित
