Sansar News
काठमाडौं । नेपाली कांग्रेसको महामन्त्रीमा गगन थापा विजयी भएका छन् । बिहीबार भएको मतगणनामा थापाले सर्वाधिक मत ल्याउँदै महामन्त्रीमा जित निश्चित गरेका हुन् । तथापी मतगणना जारी नै छ ।
४३९० मतको गणना हुँदा थापाले सबैभन्दा धेरै २८२३ मत ल्याएका छन् । जुन सभापतिमा विजयी शेरबहादुर देउवाले पाएको मतभन्दा पनि बढी हुन् । सभापतिमा विजयी भएका देउवाले २७३३ मत पाएका थिए ।
तथापी थापाको थोरैमा एक सय बढ्ने सम्भावना छ । अझै २८९ मत गणना हुन बाँकी छ ।
हालसम्म थापाले पाएको मत कुल मतको दुई तिहाई हो ।
थापासँगै महामन्त्रीमा अर्का उम्मेदवार विश्वप्रकाश शर्मा पनि जितनजिक पुगेका छन् । उनले १८२४ मत पाएका छन् ।
वि.सं.२०७८ पुस १ बिहीवार १५:१६ मा प्रकाशित
