Sansar News
काठमाडौं । नेपाली कांग्रेसको १४ औं महाधिवेशनबाट गगन थापा र विश्वप्रकाश शर्मा महामन्त्री पदमा निर्वाचित भएका छन् । बिहीबार सम्पन्न मतगणनामा दुवैले जित हात पारेका हुन् ।
विजयी थापाले सर्वाधिक मत ल्याएका छन् । थापाले ३ हजार २३ मत ल्याए । जुन कुल मतको दुई तिहाई हो । महामन्त्रीका लागि भएको मतदानमा ४ हजार ६ सय ७९ जनाले मत हालेका थिए ।
उनीसँगै विजयी भएका शर्माले भने १ हजार ९८४ मत पाएका छन् ।
महामन्त्रीका अन्य उम्मेदवार प्रकाशशरण महतले एक हजार ५५०, प्रदीप पौडेलले एक हजार ४०९, मिनेन्द्र रिजालले ८०९, र राजाराम कार्कीले १०७ मत पाएका छन् ।
सम्बन्धित समाचार
देउवाले ल्याएको मतलाई समेत उछिने गगनले, सर्वाधिक मत ल्याउँदै महामन्त्रीमा विजयी
वि.सं.२०७८ पुस १ बिहीवार १५:३७ मा प्रकाशित
