हामी सबैकाे संसारन्यूज

काठमाडौं । हाल नेपालमा पश्चिमी न्यून चापिय प्रणालीको आंशिक प्रभाव रहेको छ ।

मौसम पूर्वानुमान महाशाखाका अनुसार आज दिउँसो सुदूरपश्चिम प्रदेशको पहाडी भू–भागको एक–दुई स्थानमा हल्का वर्षा र सुदूरपश्चिम, कर्णाली,गण्डकी प्रदेशको उच्च पहाडी तथा हिमाली क्षेत्रका थोरै स्थानमा हल्का हिमपातको संभावना रहेको छ ।

त्यसैगरी राति पनि सुदूरपश्चिम, कर्णाली, लुम्बिनी, बागमती तथा गण्डकी प्रदेशमा आंशिक देखि सामान्य बदली रही बाँकी भू–भागमा मौसम आंशिक बदली रहनेछ। देशका उच्च पहाडी तथा हिमाली क्षेत्रका थोरै स्थानमा हल्का हिमपातको संभावना रहेको महाशाखाले जनाएको छ ।
आज जुम्लाको तापक्रम माइनस ५.८
हाल देशैभरी अत्यधिक चिसो बढेको छ । मौसम पूर्वानुमान महाशाखाका अनुसार आज सबैभन्दा चिसो जुम्लामा रहेको छ । आज जुम्लाको तापक्रम माइसन ५.८ मा झरेको छ । आज जुम्लाको अधिकतम् तापक्रम १५.२ रहेको छ ।

त्यसैगरी आज काठमाडौंको न्यूनतम् तापक्रम ३.४ रहेको छ भने अधिकतम् तापक्रम १८.२ रहेको छ भने जनकपुर, विराटनगर, धनकुटा, ताप्लेजुङ,ओखलढ्ंगा, भैरहवा, पोखरा, घोराही नेपालगन्ज, सवराटनगर, धनगढी लगायतका केही जिल्लाको न्यूतम तापक्रम १० डिग्री भन्दा तल झरेको छ ।

देशभर चिसो बढ्ने क्रममा रहेकोले चिसोबाट बच्न आवश्यक सुरक्षा एवं सतर्कता अपनाउन समेत महाशाखाले अनुरोध गरेको छ ।

Observations2021-12-17 08:45 NPT