Sansar News
काठमाडौं । नेकपा (एमाले)मा नेता बालकृष्ण ढुंगेलले स्कुल विभागको जिम्मेवारी पाएका छन् । पोलिटब्यूरो सदस्यमा चयन भएका उनलाई एमाले अध्यक्ष केपी शर्मा ओलीले स्कुल विभागको जिम्मेवारी दिएका हुन् ।
ओलीले नेताहरुको जिम्मेवारी बाँडफाँट गर्दा ढुंगेललाई अपाङ्ग संगठनको पनि इन्चार्जको जिम्मेवारी दिएका छन् ।
पूर्वमाओवादीका नेतासमेत रहेका ढुंगेल माओवादी युद्धकालिन मुद्दाका आधारमा लामो समय जेलमा समेत थिए । राष्ट्रपतिबाट कैद माफी पाएका ढुंगेल तत्कालिन नेकपाको विघटनसँगै एमालेमा प्रवेश गरेका थिए ।
वि.सं.२०७८ पुस २ शुक्रवार १२:४४ मा प्रकाशित
