Sansar News
काठमाडौं । भारतमा कोरोना भाइरसको नयाँ भेरियन्ट ओमिक्रोनबाट संक्रमित हुनेको संख्या निरन्तर बढ्दै गइरहेको छ ।
भारतीय समाचार ऐजेन्सीका अनुसार भारतमा २०० भन्दा बढीमा ओमिक्रोन संक्रमण भइसकेको छ । तर, ओमिक्रोनबाट मृत्यु हुनेको संख्या भने शून्य रहेको छ ।
ओमिक्रोनबाट ज्यादा प्रभावित राज्य दिल्ली र महाराष्ट्र बनेको छ । दुवै राज्यमा ५०–५० जना ओमिक्रोन देखिएकोमा अहिले देशैभरी २०० भन्दा बढी संक्रमित भएका छन् । ऐजेन्सीका अनुसार पहिले १५ दिनमा १०० संक्रमित भेटिएकोमा पाँचदिनको अन्तरमा थप १०० संक्रमित बढेका हुन् ।
सबैभन्दा पहिले २ डिसेम्बरमा कर्णाटक राज्यमा २ जना ओमिक्रोन संक्रमित देखिएकोमा १४ डिसेम्बरमा ५० र १७ डिसेम्बरमा यसको संख्या बढेर १०० पुगेको थियो भने पाँचदिनभित्रमा थप १०० संक्रमित थपिएका हुन् ।
हाल भारतका १३ राज्यमा ओमिक्रोन भइरस भेटिएका छन् ।
वि.सं.२०७८ पुस ६ मंगलवार १५:५९ मा प्रकाशित
