हामी सबैकाे संसारन्यूज

काठमाडौं । नबिल बैंकले दराज तथा आइमार्कसँग “नबिल स्मार्टपोस”को संचालनका लागि त्रिपक्षीय सम्झौता सम्पन्न गरेको छ । आधुनिक प्रविधिमा आधारित नबिल स्मार्टपोसद्वारा जुनसुकै बेला, जुनसुकै ठाउँबाट भुक्तानी दिन एवं स्वीकार गर्न बैंकले जनाएको छ । नबिल स्मार्टपोस मार्फत बैंकले डिजिटल भुक्तानी सार्थक गर्ने सन्दर्भमा एउटा ठूलो कदम अगाडि बढाएको पनि जनाएको छ ।

यो सम्झौता अन्तर्गत दराज मार्फत किनमेल गर्ने ग्राहकहरूले अबदेखि नबिल स्मार्टपोसमा उपलब्ध परिष्कृत स्मार्ट सुविधाहरू मार्फत भुक्तानी गर्न सक्नेछन् ।

दराजले चाँडैै नै एक सयभन्दा बढी नबिल स्मार्टपोस मार्फत आफ्ना ग्राहकहरूलाई भुक्तानी सुविधा प्रदान गर्नेछ भने आइमार्कले बैंकलाई चार हजारभन्दा बढी नबिल स्मार्टपोस उपलब्ध गराएको छ । जसका कारण सुरक्षित भुक्तानीका साथै स्मार्टफोन जस्तै अनुभवको दिलाउने छ ।

नबिल बैंक पोसको क्षेत्रमा यस्तो ठूलो प्राविधिक प्रगतिको लागि दराज र आइमार्कसंँग सहकार्य गर्न पाउँदा खुशी व्यक्त गर्दछ । आफ्नो डिजिटल सेवामा नबिल स्मार्टपोस थप गरेसँगै बैंक आफ्ना ग्राहकहरूलाई विस्तारित सेवाका निम्ति उच्च डिजिटल सेवा प्रदान गर्न तयार भएको समेत बैंकद्वारा जारी गरिएको बिज्ञप्तिमा जनाईएको छ ।