Sansar News
काठमाडौँ । नेपाली बजारमा बिहीबार सुनचाँदीको मूल्यमा उल्लेख्य गिरावट आएको छ । आज आज छापावाल सुनको मूल्य प्रतितोला ५ हजार ५ सय रुपैयाँले घटेको छ भने चाँदी प्रतितोला २१५ रुपैयाँले घटेको हो ।
नेपाल सुनचाँदी व्यवसायी महासंघका अनुसार छापावाल सुनको मूल्य २ लाख ८५ हजार रुपैयाँ कायम भएको छ । बुधबार यही सुन प्रतितोला २ लाख ९० हजार ५ सय रुपैयाँमा कारोबार भएको थियो।
यस्तै, महासंघका अनुसार चाँदी प्रतितोला २१५ रुपैयाँले घटेर ४ हजार ८६५ रुपैयाँमा कारोबार भइरहेको छ । बुधबार चाँदीको मूल्य प्रतितोला ५ हजार ८० रुपैयाँ रहेको थियो।
वि.सं.२०८३ जेठ १४ बिहीवार १२:०७ मा प्रकाशित
