हामी सबैकाे संसारन्यूज

काठमाडौं । नेपाली कांग्रेसको प्रदेश २ सभापतिमा कृष्ण यादव विजयी भएका छन् ।

प्रदेशमा बिहीवार सम्पन्न निर्वाचनको मत परिणाम अनुसार संस्थापन पक्षका रौतहटका कृष्ण यादवले आफ्ना प्रतिस्प्रधी रामसरोज यादवलाई हराउँदै ९९९ मत ल्याएर सभापतिमा विजयी भएका हुन् । पराजित भएका रामसरोजले ८५५ मत प्राप्त गरेका थिए । रामसरोज प्रदेश २ का भौतिक पूर्वाधार विकास मन्त्री समेत हुन् ।

निर्वाचन समितिका अनुसार प्रदेशमा कूल १९३८ मतदाता रहेकोमा १८८१ मत खसेको थियो भने २८ मत बदर भएको थियो । बाँकी पदाधिकारीहरुको मत गणना आजै गरिने बताइएको छ ।

सात प्रदेशमध्ये ६ वटा प्रदेशमा यसअघि नै अधिबेशन सम्पन्न गरेर निर्वाचनमार्फत् नेतृत्व चयन गरिसकेको कांग्रेसले प्रदेश २ मा भने आन्तरिक विवादका कारण पटक–पटक समय तोकेर पनि अधिबेशन गर्न सकेको थिएन ।