Sansar News
काठमाडौं । बाग्मती सुधार आयोजनाबाट सञ्चालित करिब १ दर्जन सम्पदाहरुको पुनःनिर्माण गरी शहरी विकास मन्त्री रामकुमारी झाँक्रीबाट सम्बन्धित पक्षलाई हस्तान्तरण गर्ने काम भएको छ ।
सुधार आयोजनाबाट थापाथली टेकु क्षेत्रमा निर्माण भइरहेको पुरातात्विक तथा ऐतिहासिक सम्पदाहरुमध्ये ११ वटा सम्पदाको निर्माण कार्य सम्पन्न गरी गुठी सँस्थान तथा गुठीयारलाई मन्त्री झाँक्रीद्वारा हस्तान्तरण गरिएको हो ।
अधिकार सम्पन्न बाग्मती सभ्यता विकास समिति अन्र्तगत बाग्मती सुधार आयोजनाको तर्फबाट थापाथली टेकु क्षेत्रमा २८ वटा एतिहासिक तथा पुरातात्विक सम्पदाहरुको निर्माण कार्य भइरहेको छ ।
जसमध्ये टेकुस्थित लक्ष्मेश्वर मन्दिरमा आयोजित कार्यक्रममा शिव मन्दिर, लक्ष्मेश्वर मन्दिर, लक्ष्मेश्वर सत्तल, पुजारी सत्तल, पुरोहितघाट सत्तल, वेष्ट सत्तल, राजभण्डारी सत्तल, कार्की सत्तल, मानन्धर सत्तल, मुन्सीघाट सत्तल र पञ्चनारी सत्तल गुठी सँस्थानलाई मन्त्री झाँक्रीमार्फत हस्तान्तरण गरिएको हो ।
वि.सं.२०७८ पुस ९ शुक्रवार १६:१० मा प्रकाशित
