Sansar News
११ पुष, काठमाडौँ । सेञ्चुरी कमर्शियल बैंक लिमिटेडले आफ्नो ११ औँ वार्षिक साधारणसभा पुस ३० गते गर्ने भएको छ । सभाले सेयरधनीलाई चुक्ता पुँजीको ५.७५ प्रतिशत बोनस र ०.३० प्रतिशत नगद लाभांश कर सहित गरी कुल ६.०५ प्रतिशत लाभांश प्रस्ताव पारित गर्नेछ ।
साधारणसभा तथा लाभांश वितरण प्रयोजनार्थ बैंकले पुस १९ गते बुकक्लोज गर्ने भएको छ । यस अनुसार पुस १८ गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा सहभागिता जनाउन तथा बैंकले वितरण गर्ने लाभांश प्राप्त गर्न सक्नेछन् ।
वि.सं.२०७८ पुस १२ सोमवार १०:११ मा प्रकाशित
