हामी सबैकाे संसारन्यूज

काठमाडौं । जनता समाजवादी पार्टी (जसपा)का अध्यक्ष उपेन्द्र यादवले एमसीसी सम्झौता राष्ट्रिय सहमतिबाटै अगाडि बढाइनुपर्ने बताएका छन् । उनले सहमति नगरी अगाडि लैजानु गलत हुने बताए ।

‘जसपाले समय आएपछि एमसीसीको बारेमा ठोस निर्णय लिन्छ, तथापी यो विषय राष्ट्रिय सहमति बाहिरबाट अगाडि बढाइनुहुन्न’, बुधबार परासीमा आयोजित पत्रकार सम्मेलनमा उनले भने ।

यादवले एमसीसीमा सामूहिक धारणा नबनाई व्यक्तिगत धारणा बनाउनु गलत हुने बताए । एक अर्को प्रसङ्गमा बोल्दै उनले राज्य पुनःसंरचना आयोगको सिफारिसअनुसार प्रदेश र स्थानीय तहको पुनःसंरचना गरिनुपर्ने बताए ।

एमसीसीकै कारण जसपाभित्र विवाद

जसपाले हालसम्म एमसीसीको विषयमा सामूहिक निर्णय गरेको छैन । नेताहरु एमसीसीको विषयमा विभाजित पनि देखिएका छन् । संघीय परिषद् अध्यक्ष डा. बाबुराम भट्टराई एमसीसीलाई जसरी पनि अगाडि बढाउनुपर्छ भन्दै लागेपछि जसपामा विवाद देखिएको हो ।

एमसीसीमा जसपाको मुल नेतृत्व भने माओवादी केन्द्र र एकीकृत समाजवादीको धारणासँग नजिक देखिन्छ ।