Sansar News
काठमाडौं । आठौं महाधिवेशनअन्तर्गतको बन्दसत्र जारी रहेकै बेला माओवादी केन्द्रको स्थायी समिति बैठक बसेको छ । बैठक प्रज्ञा प्रतिष्ठानको भवनभित्रै केही बेरअघिदेखि जारी छ ।
आज पार्टी अध्यक्ष पुष्पकमल दाहाल ‘प्रचण्ड’ले आफ्नो राजनीतिक प्रतिवेदनबारे उठेका प्रश्नको जवाफ दिने कार्यक्रम छ । बताइएअनुसार प्रतिनिधिलाई दिने जवाफका विषयमा सुझाब लिन प्रचण्डले स्थायी समितिको बैठक डाकेका हुन् ।
साथै विवादमा तानिएका नेता गिरिराजमणि पोखरेलको विषयमा पनि बैठकमा छलफल हुनेछ ।
बन्दसत्रअन्तर्गत शुक्रबार लेखा, अनुशासन र निर्वाचन आयोगको प्रतिवेदन प्रस्तुत गर्ने कार्यक्रम छ । तीनवटै प्रतिवेदन प्रस्तुत पछि प्रचण्डले प्रतिवेदनमाथि उठेका प्रश्नको जवाफ दिने तयारी गरेको बुझिएको छ ।
वि.सं.२०७८ पुस १६ शुक्रवार १२:३३ मा प्रकाशित
