Sansar News
काठमाडौं । एकाथरी नेता कमरेडहरुलाई अवसरै अवसर र अर्कोथरीलाई टर्चरै टर्चरै भन्ने भावमा नेकपा (माओवादी केन्द्र) को चालु बन्दसत्रमा केही संवेदनशील प्रश्न पनि उठाइएका छन् ।
सो पार्टीको आठौं महाधिबेशन अन्तर्गत बन्दसत्रको चौथो दिनमा बोल्ने क्रममा २२ समूहका टोली नेता इन्द्र बहादुर पुलामीले एउटा कमरेड हरभरा, अर्को कमरेड कठैबरा भन्दै नेतृत्वको ध्यानाकर्षण गराएका छन् ।
उनले यसअघिका सरकारको समिक्षा प्रतिवेदनमा थपिनुपर्ने कुरा पनि राखेका थिए । उनले सरकारमा रहेका मन्त्रीहरु आफ्ना जिल्ला र निर्वाचन क्षेत्रमा मात्र सिमित हुँदा विकासमा सन्तुलन नहुने कुरा पनि उठाएका थिए ।
वि.सं.२०७८ पुस १६ शुक्रवार १२:३२ मा प्रकाशित
