हामी सबैकाे संसारन्यूज

काठमाडौं । नेकपा (माओवादी केन्द्र) को आठौं महाधिबेशनमा जारी बन्दसत्रमा पुष्पकमल दाहाल ‘प्रचण्ड’ को राजनीतिक प्रतिवेदनमा २५ समुहका नेताले सामुहिक निष्कर्ष राख्ने क्रम सकिएको छ ।

उक्त क्रममा प्रदेश नं २ को सप्तरी, सिराहा, महोत्तरी र धनुषाका प्रतिनिधिहरुको नेतृत्व गर्दै प्रदेश २ की नेतृ भवानी कुमारी थापाले पार्टी अध्यक्ष पुष्पकमल दाहाल ‘प्रचण्ड’ को दस्तावेजमाथि निष्कर्ष सुनाउँदै माओवादी नेताहरु भ्रष्ट र दलालसँग साँठगाँठ गरेको अभियोग दर्ज गरेकी हुन् । उनले सो विषयमा आफ्नो समूह बढी चिन्तित भएको समेत जनाएकी छन् ।

नेतृ थापाले व्यवहारमा अभिव्यक्त नभएको विचारको कुनै अर्थ नहुने धारणा राख्दै मिटर व्याजे र तस्कहरु पार्टीमा हावी हुन थालेको उल्लेख गरेकी थिइन् । समुहको धारणा राख्ने क्रममा उनले ३६ जिल्लामा फैलिएको चुरे विनाशले तराईमा संकट बढ्दै गएको समेत बताएकी थिइन् । रोशन यादव (धनुषा) लगायतको पुरानो मुद्दामा भारतले दुःख दिएको बताउँदै सरकारबाट यस्ता समस्या समाधान गर्नुपर्नेमा जोड दिएकी थिइन् ।