हामी सबैकाे संसारन्यूज

काठमाडौं । सत्तारुढ गठबन्धनको उच्चस्तरीय राजनीतिक संयन्त्रको अध्यक्षता गरिरहेका कांग्रेसका नेता रामचन्द्र पौडेलले एमाले अध्यक्ष केपी शर्मा ओलीलाई भेटेका छन् । बुधबार साँझ ओली निवास बालकोटमै पुगेर पौडेलले भेटेका हुन् ।

ओली र पौडेलबीच झण्डै डेढ घण्टा जति कुराकानी भएको बुझिएको छ ।

पौडेलले संसद अवरोध हटाउने विषयमा आफुँले ओलीसँग कुराकानी गरेको सञ्चारमाध्यमलाई बताएका छन् । यद्यपि ओलीसँग अन्य राजनीतिक विषयमा पनि कुराकानी भएको बुझिएको छ ।

संयन्त्रको बैठकमा उठ्यो विषय

बिहीबार बिहान राष्ट्रिय सभा निर्वाचनको तयारीबारे सत्तारुढ गठबन्धनको उच्चस्तरीय संयन्त्रको बैठक बसेको थियो । बैठकले आफ्ना उम्मेदवारलाई विजयी बनाउन अपिल गर्दै सातै प्रदेशमा समन्वय समिति निर्माण गर्ने पनि निर्णय गरेको छ ।

बिहीबार बसेको उच्चस्तरीय संयन्त्रको बैठकमा राष्ट्रिय सभा निर्वाचनको विषयसँगै ओलीसँगको भेटको विषयले पनि प्राथमिकता पाएको थियो । बैठकमा पौडेलले आफ्नो भेटबारे प्रष्टीकरण दिएका थिए । नेताहरुले शंकापूर्णं रुपमा पौडेलको भेटप्रति प्रश्न उठाएको बैठकमा सहभागि एक नेताले बताए ।

तर, पौडेलले भने संसद अवरोध र न्यायायलमा देखिएको विवादबारे मात्रै छलफल गरेको बताएका थिए । तर, ओलीले आफ्नो अडान नछाडेको कुरा नेताहरुलाई सुनाएका थिए ।