Sansar News
काठमाडौं । प्रधानमन्त्री शेरबहादुर देउवाको भारत भ्रमण स्थगित भएको छ । भारतको गुजरातमा हुने १० औं भ्राइब्रेन्ट गुजरात ग्लोबल समिट स्थगित भएसँगै प्रधानमन्त्री देउवाको भारत भ्रमण रोकिएको हो ।
समिट स्थगित गर्ने गुजरात सरकारले निर्णय गरेपछि प्रधानमन्त्री देउवाको भारत भ्रमण स्थगित भएको प्रधानमन्त्रीको सचिवालयले जनाएको छ । यद्धपी भ्रमण स्थगित औपचारिक रुपमा निर्णय भइसकेको छैन् ।
जनवरी १०–१२ सम्म गुरातमा आयोजना हुन लागेको समिटमा सहभागि हुन भारत सरकारले प्रधानमन्त्री देउवालाई निम्तो पठाएको थियो । जनवरी ९ तारिख अर्थात पुस २५ गते देउवा काठमाडौंबाट सिधै गुजरात जाने कार्यक्रम थियो ।
गुजरात सम्मेलनमा प्रधानमन्त्री देउवाले भारतीय समकक्षी नरेन्द्र मोदीलाई भेट्ने कार्यक्रम तय भएको थियो । प्रधानमन्त्री पत्नी आरजु राणाले मोदीसँगको भेटबारे दिल्ली उच्चस्तरीय भेटघाट पनि गरेकी थिइन ।
सम्बन्धित समाचार
वि.सं.२०७८ पुस २२ बिहीवार १३:४८ मा प्रकाशित
