Sansar News
अमेरिका। अमेरिकामा एक नेपाली महिलाको मृत्यु भएको छ ।
अमेरिकाको डिसी महानगर क्षेत्रको भर्जिनियामा सपरिवार साथ बस्दै आएकी संगीता ढुंगानाको मस्तिस्क रक्तस्रावबाट जनवरी ११ का दिन निधन भएको हो ।
डिसी महानगर क्षेत्रमा बसोबास गर्ने नेपाली समुदायले ढुंगानको मृत्युले सबैलाई ममर्माहत बनाएको भन्दै दखुःख व्यक्त गरेका छन् ।
संगीता ढुंगानाका पति प्रेम चन्द्र ढुंगानाले दुईदिन अगाडी मात्र चिकित्सा खर्चको सहयोगको लागि गोफन्डमी खोलेका थिए ।
उक्त फन्डमा फन्डमा लक्ष्य ५० हजार डलर राखिएको थियो भने जनवरी १२ साँझ ६ बजे सम्म २० हजार डलर संकलन भै सकेको छ ।
ढुंगानाका अनुसार स्व संगीता ढुंगानालाई नोभेम्बर ७ देखि भर्जिनियाको आइनोभा फेयरफ्याक्स मेडिकल क्याम्पस (अस्पताल) को संघन कक्षमा राखेर उपचार गरिएको थियो ।
नेपाली पत्रकारहरुको अन्तरराष्ट्रिय संजाल (इन्जा)का अध्यक्ष गुणराज लुइँटेलले ढुंगानाको मृत्युप्रति दुःख व्यक्त गरेका छन् । ‘घरकै भान्सामा अचानक लडेर मस्तिष्क रक्तश्राबको समस्या देखिएपछि करिव दुई महिनादेखि अस्पतालमा संघर्ष गर्दै आउनु भएकी संगीता ढुंगानाले अब हामि बीच रहनु भएन । उहाले सबैलाई छोडेर जानु भएको छ ।’ लुइटेलले दुःख व्यक्त गरेका छन् ।
मोरंग उर्लाबारी घर भएकी स्व ढुंगाना छोराछोरी र श्रीमान संगै बस्थे । स्व ढुंगानालाई २ महिनाको अवधिमा ४ पटक शल्यक्रिया गरिएको थियो । शल्यक्रिया गर्ने क्रममा रक्त श्राब नरोकिएको कारण निधन भएको बताइएको छ ।
वि.सं.२०७८ पुस २९ बिहीवार ०९:०३ मा प्रकाशित
