काठमाडौं । प्रदेश २ को नाम र राजधानी तोक्नका लागि आज मतदान हुँदैछ ।
प्रदेशसभाको सचिवालयका अनुसार नाम र राजधानी तोक्ने विषयमा सहमति हुन नसकेपछि आज बिहान ११ बजेदेखि मतदान हुने भएको हो ।
यसअघि प्रदेशको नाम र स्थायी राजधानीको टुंगो लगाउनका लागि प्रदेशसभाका सभामुख सरोजकुमार यादवको संयोजकत्वमा विशेष समिति समेत गठन गरिएको थियो । तर, यस विषयमा दलहरुबीच सहामति हुन नसकेपछि आज मतदान हुन लागेको हो ।
यादव नेतृत्वको समितिले यस विषयमा सहमति जुटाउन नसकिएको भन्दै आइतवार बसेको प्रदेशसभा बैठकमा गोप्य मतदानलगायत ६ वटा विकल्पसहितको प्रतिवेदन पेश गरेको थियो ।
विशेष समितिको पुष १५ देखि २७ सम्म बसेको बैठकले प्रस्तावित ६ वटा नामलाई ४ र राजधानीका लागि प्रस्ताव गरिएको ५ वटा नामलाई ३ वटामा झार्न सफल भएको बताइएको छ ।
समितिले प्रदेशका लागि ‘मधेश प्रदेश, मिथिला भोजपुरा प्रदेश, जानकी प्रदेश र मध्य मधेश प्रदेश तीनवटा नाम र राजधानीका लागि जनकपुर धाम र वीरगन्ज दुईस्थान प्रस्ताव गरेको छ भने जनकपुरधाम दलहरुको साझा प्रस्ताव रहेको छ ।
वि.सं.२०७८ माघ ३ सोमवार १०:२१ मा प्रकाशित