हामी सबैकाे संसारन्यूज

काठमाडौं । गुण एयरलाइन्सको जहाजको उड्दा उड्दै ढोका खुलेको घटनामा छानबिन गर्न संस्कृति, पर्यटन तथा नागरिक उड्डयन मन्त्रालयले एक छानबिन समिति गठन गरेको छ मन्त्रालयले मंगलबार उक्त घटनाबारे छानबिन गर्न चार सदस्यीय समिति बनाएको हो ।

मन्त्रालयले छानबिन समितिलाई ३ दिनभित्र प्रतिवेदन बुझाउन निर्देशन दिएको छ ।

आइतबार काठमाडौंबाट पोखरा उडेको गुण एयरलाइन्सको जहाजमा उडेको केही बेरमै ढोका खुलेको थियो । जहाज उड्दा उड्दै ढोका खुलेपछि त्रिभुवन विमानस्थलमै फर्काएर आकस्मिक अवतरण गराएको थियो ।

गुण एयरले भने उक्त घटना सामान्य प्राविधिक समस्या र कर्मचारीको असावधानी भएको बताएको थियो । तर, मन्त्रालयले भने उक्त विषयमा छानबिन थालेको हो ।