Sansar News
काठमाडौं । राष्ट्रिय सभा निर्वाचनमा मधेस प्रदेशमा विपक्षी दल नेकपा (एमाले) र लोकतान्त्रिक समाजवादी पार्टी (लोसपा)बीच गठबन्धन गर्ने सहमति भएको छ । बिहीबार एमालेका मधेस प्रदेश अध्यक्ष राम औतार यादव र लोसपाका प्रदेश अध्यक्ष जितेन्द्र सोनलले गठबन्धन गर्ने सहमति गरेका हुन् ।
दुवै दलले एमालेका उम्मेदवार उसमान अन्सारी र लोसपाकी उम्मेदवार रिता यादवलाई मतदान गरेर राष्ट्रियसभा सदस्यमा निर्वाचित गराउन आह्वान गरेका छन् ।
राष्ट्रियसभा सदस्यको निर्वाचन माघ १२ मा हुँदैछ ।
दुई पार्टीबीच गठबन्धन भएपनि यसअघि नै सत्तारुढ गठबन्धनमा काँग्रेस, माओवादी केन्द्र र जसपाबीच गठबन्धन भइसकेको छ।
वि.सं.२०७८ माघ ६ बिहीवार १६:५४ मा प्रकाशित
