हामी सबैकाे संसारन्यूज

काठमाडौं । नेपालमा आज १२ हजार ३३८ जनामा कोरोना संक्रमण पुष्टि भएको छ । आज एन्टिजेन र पिसीआर विधिबाट गरिएको २७ हजार ४९७ नमु्ना परीक्षणमा १२ हजार ३३८ जनामा संक्रमण पुष्टि भएको हो । एकैदिन संक्रमण पुष्टि हुनेको यो संख्या हालसम्मकै बढी हो ।

मन्त्रालयका सहप्रवक्ता डा. समीर कुमार अधिकारीका अनुसार आज उपत्यकाको काठमाडौंमा ५००१, भक्तपुरमा ८५० र ललितपुरमा ११३०, जनासँगै ६,९८१ जनामा संक्रमण पुष्टि भएको हो । उपत्यकामा संक्रमित हुनेको संख्या निरन्तर बढिरहेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थपिएका १२ हजार ३३८ जनासँगै नेपालमा हालसम्म कोरोना संक्रमित हुनेको संख्या ९ लाख ९४ हजार ६२८ पुगेको छ ।

त्यसैगरी पछिल्लो २४ घण्टामा ६४९ जनामा कोरोना संक्रमणबाट मुक्त भएका छन् । आज निको भएका ६४९ जनासँगै नेपालमा कोरोनाबाट मुक्त हुनेको संख्या ८ लाख १८ हजार ८०९ पुगेको छ ।

नेपालमा पछिल्लो २४ घण्टामा ४ जना कोरोना संक्रमितको मृत्यु भएको छ । आज थपिएका ४ जनासँगै नेपालमा हालसम्म कोरोना संक्रमणबाट मृत्यु हुनेको संख्या ११ हजार ६३२ पुगेको छ ।

मन्त्रालयको विवरण अनुसार हाल ५७ हजार ३२८ जना सक्रिय संक्रमित रहेका छन् । ती मध्ये होम आइसोलेशनमा ५५ हजार ८३६ जना र १,४९२ जना संस्थागत आइसोलेशनमा रहेका छन् । ती मध्ये १८६ जना आइसीयु र २७ जना भेन्टिलेटरमा उपचाररत छन् ।

त्यसैगरी पछिल्लो २४ घण्टामा देशैभरी २ लाख ३४ हजार २१४ जनाले कोरोना भाइरसविरुद्धको खोप लगाएका छन् । यो सँगै नेपालमा हालसम्म खोप लगाउनेको संख्या २ करोड ८७ लाख ३३ हजार ८३ पुगेको छ ।

जसमा पहिलो मात्रा १ करोड ६१ लाख, १० हजार ५२३ र दुवै मात्रा खोप लगाउनेको संख्या १ करोड २५ लाख ७९ हजार २४२ पुगेको छ ।

नेपालमा आज ११ हजार ३५२ जनामा कोरोना संक्रमण, उपत्यकामै ६,३४३ संक्रमित