हामी सबैकाे संसारन्यूज

काठमाडौं । पश्चिमी वायुको प्रभावका कारण आज देशैभरी आंशिकदेखि सामान्यतया बदली रहनेछ ।

आज सबै प्रदेशका उच्च पहाडी तथा हिमाली भू–भागका केही स्थानमा हल्का वर्षा तथा हिमपातको संभावना छ ।

त्यस्तै राति पनि पहाडी भू–भागका एक–दुई स्थानहरुमा हल्का वर्षाको संभावना रहेको छ । देशका उच्च पहाडी तथा हिमाली भू–भागका केही स्थानमा हल्का हिमपातको संभावना रहेको पनि मौसम पूर्वानुमान महाशाखाले जनाएको छ ।

केहि दिनयता देशैभरी भइरहेको हिमपात र वर्षाका कारण चिसो अझै बढ्ने क्रममा रहेकोले चिसोबाट बच्न र त्यसको प्रभावबाट जोगिन आवश्यक सुरक्षा तथा सतर्कता अपनाउन पनि महाशाखाले अनुरोध गरेको छ ।

आज काठमाडौंको न्यूनतम् तापक्रम ७.६ र अधिकतम तापक्रम १३.४ मापन गरिएको छ भने जुम्लाको न्यूनतम् तापक्रम १.४ र अधिकतम् ९.५ रहेको छ ।

यस्तो छ अन्य जिल्लाको विवरण

Observations2022-01-20 17:45 NPT