हामी सबैकाे संसारन्यूज

काठमाडौं । लामो समयदेखि बेल्जियममा रहँदै आएकी एक नेपाली महिलाको निधन भएको छ ।

काठमाडौं घर भइ बेल्जियको लुभेनमा व्यवसाय सञ्चालन गर्दै आएकी ५१ वर्षीया मिना बानियाँ थापाको शुक्रबार राति आफ्नै अपार्टमेन्टमाा सुतिरहेको अवस्थामा ब्रेन ह्याम्रेजका कारण मृत्यु भएको हो ।

‘एक छोरा र एक छोरीकी आमा मिना आफ्नो व्यावसाय र रोजगारी दुवैलाई अगाडी बढाई रहेकी एक साहसी महिला थिइन् ।’ गैरआवासीय नेपाली अभियन्ता गंगाधर गौतमले सामाजिक संजालमा दुःख व्यक्त गर्दै लेखेका छन् ।

बानियाको पार्थिव शरीर अहिले लुभेन स्थित ग्यास्तुस्वर्ग अस्पतालमा राखिएको र शनिवार बिहान १० बजे देखि ११ बजे सम्म सनातन धर्म हिन्दु संस्कार बमोजिम १२.०० बजे अन्तिम दाह–संस्कार गरिने पनि गौतमले जानकारी दिएका छन् ।

उक्त दाहसंस्कारमा उपस्थित हुन सम्पूर्ण आफन्त, परिवारजन, बेल्जियमवासी सम्पूर्ण नेपाली एवंम गैर आवासीय नेपाली दाजु भाई दिदी बहिनीहरु,संघ संस्थाका अध्यक्ष एवंम सामाजिक अभियान्ताहरु नेपाली दुतावास ब्रसेल्स परिबार समेतलाई गौतमले अनुरोध गरेका छन् ।