१० माघ, काठमाडौँ । भारत र दक्षिण अफ्रिका बिचको तेस्रो तथा अन्तिम एकदिवसीयमा दक्षिण अफ्रिका ४ रनले विजयी भएको छ ।
टस हारेर पहिले ब्याटिङ्ग गरेको दक्षिण अफ्रिकाको छिम ४९.५ ओभरमा २८७ रन बनाएर अलआउट हुन पुगेको थियो । दक्षिण अफ्रिकाका लागि ब्याटिङ्गमा क्विनटन डिककले सतकीय पारी खेलेका थिए भने रस्सी भान डेर डुसेनले अर्धसतकीय परी खेलेका थिए । क्विनटन डिकक १३० बलमा १२४ रन बनाएर आउट हुन पुगेका थिए भने रस्सी भान डेर डुसेन ५९ बलमा ५२ रन बनाएर आउट भएका थिए । बलिङ्गतर्फ भारतका लागि प्रसिद्ध कृष्णले सर्वाधिक ३ विकेट हात पारेका थिए ।
दक्षिण अफ्रिकाले दिएको २८८ रनको लक्ष्य पछाएको भारतले पुरै ५० ओभर पनि ब्याटिङ्ग गर्न सकेन । भारतीय टिम ४९.२ ओभरमा २८३ रन बनाएर अलआउट हुन पुगेको थियो । भारतका लागि ३ खेलाडीले अर्धसतकीय पारी खेले पनि टिमलाई जित भने दिलाउन सकेनन् । शिखर धवन ६१, विराट कोहली ६५ र दिपक चाहर ५४ रन बनाएर आउट भएका थिए । बलिङ्गमा दक्षिण अफ्रिकाका लागि एन्डिले फेहलुकवाय र लुंगी एनगिडीले सर्वाधिक ३/३ विकेट हात पारेका थिए ।
जितसँगै दक्षिण अफ्रिकाले भारत विरुद्धको ३ खेलको एकदिवसीय श्रृखला ३-० ले क्लिन स्विप गरेको छ ।
वि.सं.२०७८ माघ १० सोमवार १०:१० मा प्रकाशित