Sansar News
काठमाडौं । नेकपा एमाले सिन्धुपाल्चोकका नेता तथा पूर्वसांसद सुवास कर्माचार्य माधव कुमार नेपाल नेतृत्वको नेकपा (एकिकृत समाजवादी) पार्टीमा प्रवेश गरेका छन् ।
पार्टीका अध्यक्ष माधव कुमार नेपालले कर्माचार्यलाई बुधवार आयोजित एक कार्यक्रममाबीच पार्टी प्रवेश गराएका हुन् ।
२०५६ सालदेखि २०६६ सम्म एमाले सिन्धुपाल्चोकको जिल्ला सचिव रहेका तथा २०५६ सालमा प्रतिनिधिसभा सदस्यमा निर्वाचित भएका कर्माचार्य माधव कुमार नेपालले पार्टी विभाजन गरेपछि एमालेमै बसेका थिए ।
पार्टी प्रवेशका क्रममा कमाचार्यले पार्टी अध्यक्ष केपी ओली सच्चिने आसा राखेपनि त्यो पूरा नभएको तथा धुजाधुजा भएको पार्टीले कम्युनिष्ट आन्दोलन उठाउने अवस्था नरहेकोले एकिकृत समाजवादीमा प्रवेश गरेको बताए ।
वि.सं.२०७८ माघ १९ बुधवार १७:०९ मा प्रकाशित
