Sansar News
बुटवल । बुटवलमा रोकि राखेको ट्रकमा कार ठोक्एिर भएको दुर्घटनामा तीनजनाको मृत्यु भएको छ ।
रुपन्देहीको तामनगरमा रोकेर राखेको ट्रकमा कार ठोक्किदा कारमा सवार तीनजनाको मृत्यु हुनुका साथै दुईजना गम्भीर घाईते रहेको र उनीहरुको लुम्बिनी प्रादेशिक अस्पतालमा उपचार भरइरहेको इलाका प्रहरी कार्यालय बुटवलले जनाएको छ ।
बेहुला बहुली बोकेर कपिलवस्तु गएको लु ३ च ४४४२ नम्बरको कार बुटवलतर्फ फर्केने क्रममा बुटवल उपमहानगरपालिका वडा नं १२ स्थित तामनगर नजिक पूर्वपश्चिम राजमार्गमा रोकिराखेको लु २ ख ९७७२ नम्बरको ट्रकमा ठोक्किएको प्रहरीले जनाएको छ ।
प्रहरीका अनुसार कारमा सवार पाँच मध्ये एकजनाको घटनास्थलमै र दुईजनाको उपचारका क्रममा मृत्यु भएको थियो भने दुईजना गम्भीर घाईते भएका छन् । मृतकहरुको सनाखत नभइसकेको प्रहरीले जनाएको छ । तस्बिरः सुरेश परियार
वि.सं.२०७८ माघ २४ सोमवार ०८:४७ मा प्रकाशित
