हामी सबैकाे संसारन्यूज

काठमाडौं । पेट्रोलियम पदार्थको मूल्य वृद्दिको विरुद्धमा विभिन्न चरणमा आन्दोलन गर्दै आएको अनेरास्ववियूले विद्यार्थीहरुका लागि तत्कालै निःशुल्क रुपमा इन्डक्सन चुलो वितरण गर्न माग गरेको छ ।

अनेरास्ववियूले विद्यार्थीहरुलाई इन्डक्सन चुलो वितरण तथा विद्युतीय माध्यमबाट चल्ने यातायातका साधनको प्रयोगलाई प्राथमिकता दिन ध्यानाकर्षण गराउँदै उर्जा, जलश्रोत तथा सिंचाई मन्त्री पम्फा भुसाललाई सोमवार ज्ञापनपत्र समेत बुझाएको छ ।

अध्यक्ष सुदेश पराजुलीको नेतृत्वमा गएको टोलीले बुझाएको उक्त ज्ञापनपत्रमा भनिएको छ, ‘तत्काललाई आम विद्यार्थी, मजदुर, किसान लगायतको समुदायलाई निःशुल्क इन्डक्सन चुलो उपलब्ध गराई बैकल्पिक प्रयोगमा योजनावद्ध रुपमा काम गर्न अनेरास्ववियू जोडदार माग गर्दछ ।’