हामी सबैकाे संसारन्यूज

काठमाडौं । प्रतिनिधिसभाको बैठक फागुन २ गते बस्नेगरी स्थगित भएको छ ।

संसद सचिवालयले मंगलवार संसदको संभावित कार्यसूची सहित बुधबार दिउँसो १ बजेका लागि बैठक डाकिएकोमा त्यसलाई स्थगित गर्दै ७ दिनपछि फागुन २ गतेका लागि बैठक तोकेको हो ।

संसद सचिवालयद्धारा मंगलवार बेलुका एक सूचना जारी गर्दै विशेष कारणले उक्तदिन र समायमा बैठक बस्न नसक्ने भएको जनाउँदै फागुन २ गते १ बजे बैठक बस्ने जानकारी दिएको हो ।

बुधबार बस्ने बैठकमा एमसीसी सम्झौतालाई संसदमा टेबुल गर्ने बताइएको थियो । तर, एमसीसीका विषयमा सत्तारुढ गठबन्धनभित्रै दुईमत रहेको छ । नेकपा माओवादी केन्द्रले माघ २७ गतेदेखि केन्द्रीय बैठक डाकेर एमसीसीका विषयमा ठोस निर्णय गर्ने बताउँदै आइरहेका बेला संसद बैठक पुनः स्थगित गरेर फागुन २ गतेका लागि सारिएको हो ।

यसअघि पनि फागुन १६ गते बस्ने भनिएको बैठक १० दिन पछि सारेर माघ २५ गतेलाई राखिएको थियो ।