हामी सबैकाे संसारन्यूज

काठमाडौं । भालुको पित्त सहित एक जना पक्राउ परेका छन् । पक्राउ पर्नेमा लमजुङ दोर्दी गाउँपालिका-८ खिन्चोकका मन बहादुर सिलुवाल क्षेत्री रहेका छन् । उनलाई टोखा नगरपालिका-९ आनन्द टोल नजिकबाट २ सय ४० ग्राम तौल भएको संरक्षित वन्यजन्तु भालुको पित्त (आखेटोपहार) जस्तो देखिने १ थान बस्तु सहित बिहीबार प्रहरीले पक्राउ गरेको हो ।

उनलाई भालुको आखेटोपहार अवैध रुपमा ओसारपसार तथा बेचबिखन गर्न लागेको अवस्थामा केन्द्रीय अनुसन्धान ब्यूरोबाट खटिएको प्रहरीले उक्त बस्तु सहित पक्राउ गरेको जनाएको छ । उनलाई आवश्यक अनुसन्धान तथा कारवाहीको लागि डिभिजन वन कार्यालय हात्तीसार काठमाडौं पठाइएको केन्द्रीय अनुसन्धान ब्यूरोले जनाएको छ ।

फाइल फोटो