हामी सबैकाे संसारन्यूज

काठमाडौं । नेपाली कांग्रेसले संसदीय दलको बैठक बोलाएको छ ।

कांग्रेसले मंगलवार बिहान ९ बजेका लागि बैठक बोलाएको हो । बैठक संसद भवनको ल्होत्से हलमा बस्ने बताइएको छ ।

बैठकमा पछिल्लो राजनीतिक घटनाक्रमका विषयमा छलफल हुने बताइएको छ ।

सत्तारुढ गठबन्धन दलका ९८ सांसदले विभिन्न आरोप सहित आइतवार बिहान प्रधानन्यायाधिश चोलेन्द्र शमशेर जवराविरुद्ध महाभियोग प्रस्ताव दर्ता गरेपछि एमालेले त्यसको विरोध गर्दै तत्काल प्रतिवाद गर्ने जनाएको छ ।

एमालेको आइतवार बसेको केन्द्रीय बैठकले गठबन्धनको उक्त निर्णय षड्यन्त्रमुलक भएको ठहर गर्दै त्यसको तत्काल प्रतिवाद गर्ने निर्णय गरेको थियो । साथै सोमबारको संसदस्य दलको बैठकबाट थप निर्णयहरु गर्ने जनाएको छ ।

एमालेको संसदीय दलको बैठकमा संसद विघटनबिरुद्धको मुद्दा बदर गर्ने चार न्यायाधिशविरुद्ध महाभियोग दर्ता गर्ने निर्णय गर्ने बताइएपनि यसबारेम तत्कालै आवेशमा निर्णय नलिने समेत बताएका छन् ।

बैठक बोल्ने अधिकांश सांसदले चोलेन्द्र शमशेरलाई बोकेर चुनावमा जान नसकिने धारणा राखेका छन् ।