हामी सबैकाे संसारन्यूज

२ फागुन, काठमाडौँ । ओमानमा जारी चार देशीय टी-२० क्रिकेट श्रृखला अन्तर्गत नेपालले आज आफ्नो अन्तिम खेलमा आयरल्याण्ड विरुद्ध टस जितेर पहिले बलिङ्ग गर्ने निणर्य लिएको छ । यस चार देशीय टी-२० क्रिकेट श्रृखलामा दुवै टिमले एक खेलमा जित र एक खेलमा हारको सामना गरेका छन । दुवै टिमले ओमान विरुद्ध जित निकालेका थिए भने युएई विरुद्धको खेलमा पराजित भएका थिए ।

यी दुई टिमबिच अहिलेसम्म २ खेल भएको छ जसमा आयरल्याण्डले दुवै पटक जित हासिल गरेको हो ।

नेपालले आज आफ्नो प्लेइङ्ग-११ मा ३ खेलाडी परिवर्तन गरेको छ । चोटका कारण पहिलो र दोस्रो टि-२० अन्तराष्ट्रिय खेल गुमाएका कुशल भुर्तेलले आजको खेल खेल्ने भएका छन । त्यसैगरी कुशल मल्ल र अविनाश बोहराले पनि प्लेइङ्ग-११ मा मौका पाएका छन ।

नेपालको प्लेइङ्ग-११
कुशल भुर्तेल, शरद भेषवाकर, ज्ञानेन्द्र मल्ल, दीपेन्द्रसिंह ऐरी, कुशल मल्ल, आसिफ शेख, लोकेश बम, जितेन्द्र मुखिया, अविनाश बोहरा, सन्दीप लामिछाने कलम सिंह ऐरी ।