हामी सबैकाे संसारन्यूज

काठमाडौं । भंगाहा नगरपालिकाका प्रमुख सञ्जीवकुमार साहले सर्वोच्च अदालतमा गआगामी वैशाख ३० मा स्थानीय निर्वाचन गर्दा आफ्नो ५ वर्षे कार्यकाल पूरा नहुने भन्दै रिट हालेका थिए । सो रिटलाई सर्वोच्चले दरपिठ गरेको थियो । आज बुधवार सर्वोच्चका न्यायाधीश इश्वर खतिवडाको एकल इजलासले सो दरपीठलाई बदर गर्दै रिट दर्ता गर्न आदेश दिएको छ । यसअघि सर्वोच्चका रजिस्ट्रार नारायणप्रसाद पन्थीले स्थानीय तह निर्वाचनसम्बन्धी ऐनको आधारमा उक्त रिटलाई दरपीठ गरिदिएका थिए ।

तर आफूले संविधानको व्याख्या माग गरेकाले ऐन देखाएर रिट दरपीठ गर्न नमिल्ने जिकिर गर्दै साहले सर्वोच्चमा निवेदन हालेका थिए । सोही साहको निवेदनमाथि सुनुवाई गर्दै न्याधीश खतिवडाको एकल इजलासले रिट दर्ता गर्न आदेश दिएको हो ।

संविधानमा स्थानीय तहका जनप्रतिनिधिको कार्यकाल ५ वर्ष हुने व्यवस्था रहेको छ । अघिल्लोपटक तत्कालीन प्रदेश २ (हाल मधेश प्रदेश) मा २०७४ असोज २ मा निर्वाचन भएको थियो । सो मितिको हिसाबले मात्रै हेर्दा आगामी बैशाखमा सो क्षेत्रका जनप्रतिनिधिको कार्यकाल ५ वर्ष पुग्ने देखिँदैन् ।