हामी सबैकाे संसारन्यूज

५ फागुन, काठमाडौँ । भारत र वेस्टइंडिज बिचको पहिलो टि-२० मा भारतले ६ विकेटले जित हासिल गरेको छ ।

टस हारेर पहिले ब्याटिङ्ग गरेको वेस्टइंडिजले २० ओभरमा ७ विकेट गुमाएर १५७ रन बनाएको थियो । वेस्टइंडिजका लागि निकोलस पुरनले सर्वाधिक ६१ रनको पारी खेलेका थिए । त्यसैगरी काइल मेयर्सले ३१, काइरन पोलार्डले २४ र अकेल होसेनले १० रनको पारी खेलेका थिए । वेस्टइंडिजका यी ४ खेलाडी बाहेका अरुले दोहोरो अंकमा रन जोड्न सकेनन् । बलिङ्ग तर्फ भारतका लागि टि २० अन्तराष्ट्रिय क्रिकेटमा डेब्यू गरेका रवि बिश्नोईले सर्वाधिक २ विकेट हात पारेका थिए । त्यसैगरी हर्षल पटेलले २, भुवनेश्वर कुमार, युजवेन्द्र चाहल र दिपक चाहरले समान १ १ विकेट हात पारेका थिए ।

वेस्टइंडिजले दिएको १५८ रनको लक्ष्य भारतले १८.५ ओभरमा ४ विकेट गुमाएर पुरा गर्यो । भारतका लागि कप्तान रोहित शर्माले सर्वाधिक ४० रन बनाएका थिए । त्यसैगरी भारतको जितमा इशान किसनले ३५, विराट कोहलीले १८, रिषभ पंतले ८, सूर्याकुमार यादवले ३५ र वेंकटेश अय्यरले २४ रनको योगदान दिएका थिए । वेस्टइंडिजका लागि बलिङ्गमा रोस्टन चेसले सर्वाधिक २ विकेट हात पारेका थिए ।

जितसँगै भारतले ३ खेलको टि-२० श्रृखलामा १ ० ले अग्रता लिएको छ ।