हामी सबैकाे संसारन्यूज

काठमाडौं । भारतमा विवाह कार्यक्रममा सहभागी भएका १३ जना महिला र बालिकाको इनारमा खसेर मृत्यु भएको छ ।

उत्तर प्रदेशको कुशी नगरमा बुधबार राति इनारको छेउमा पूजा गरिरहेका मध्ये १३ जनाको इनारमा खसेर मृत्यु भएको हो । मृत्यु हुनेमा डेढवर्र्षीय बालक, १० बालिका र २ महिला रहेका छन् भने झण्डै ३० जना गम्भीर घाईते भएको भारतीय संचार ऐजेन्सीले उल्लेख गरेका छन् । मृत्यु हुनेमा ५ देखि १५ वर्षसम्मका बालिका रहेको बताइएको छ।

कुशी नगरको नांरंगिया स्कूल टोलमा बस्ने परमेश्वर कुशवाहाकी छोरीको विवाहका लागि हल्दी कार्यक्रममा सहभागी भएका उनीहरु रातीको साढे नौ बजेको समयमा गाउँमा रहेको पुरानो इनारनजिकै पूजा गर्न पुगेका थिए ।

५०–६० जनाको संख्यामा रहेका उनीहरु पूजा गर्ने क्रममा इनारमाथि लगाइएको स्लाबमाथि चढेपछि भत्किन लागेको जर्जर स्लाब फुटेपछि उनीहरु इनारमा खसेका थिए । इनार अत्यन्तै गहिरो र १० पिटसम्म पानी भरिएको तथा उनीहरुको समयमा उद्धार हुन नसेकेका कारण धेरै मानविय क्षति भएको बताइएको छ ।

ग्रामिण क्षेत्र रहेकाले समयमा उद्धार हुन नसेकेका कारण यति ठूलो संख्यामा मानविय क्षति भएको बताइएको छ । महिला तथा बालबालिका इनारमा खसेपछि स्थानीयले पहिले आफ्नै प्रयासमा उद्धारको पहल गरेका थिए । तर, नसकेपछि प्रहरी प्रशासनमा खबर गरेको बताइएको छ ।