हामी सबैकाे संसारन्यूज

९ फागुन, काठमाडौँ । आइसिसी टी-२० विश्वकप छनोट अन्तर्गत समूह चरणको आफ्नो अन्तिम खेलमा टस जितेर पहिले ब्याटिङ्ग गरेको क्यानडालाई नेपालले ८० रनमा अलआउट गरेको छ ।

क्यानडाको टिम १५ ओभरमा ८० रन बनाएर अलआउट हुन पुगेको हो । क्यानडाका लागि ब्याटिङ्गमा रायन पठानले १४, नवनीत धालिवालले १८, सलमान नजरले १० र डिलन हेलिगरले २४ रन बनाएका थिए । क्यानडाका यी चार खेलाडी बाहेक अरु खेलाडीले दोहोरो अकंमा रन जोड्न सकेनन् । नेपालका लागि बलिङ्गमा सन्दिप लामिछानेले घातक बलिङ्ग गर्दै सर्वाधिक ३ विकेट हात पारेका थिए । त्यसैगरी कमल सिंह ऐरीले २, अविनाश बोहराले २ र कुशल मल्लले १ विकेट लिएका थिए ।

आइसिसी टी-२० विश्वकप छनोट अन्तर्गत समूह चरणको आफ्नो अन्तिम खेलमा जित हासिल गर्नको लागि नेपालले २० ओभरमा ८१ रन बनाउन पर्ने छ ।